Makiej adpraviŭsia ź vizitam u Šviejcaryju
Rabočy vizit ministra zamiežnych spraŭ Biełarusi Uładzimira Makieja ŭ Šviejcaryju prachodzić 19-20 krasavika dla ŭdziełu ŭ 69-j siesii Jeŭrapiejskaj ekanamičnaj kamisii AAN.
Fota Nadziei Bužan
Pra heta paviedamlaje pres-słužba MZS
Prahramaj pieršaha dnia vizitu praduhledžany sustrečy kiraŭnika biełaruskaha zamiežnapalityčnaha viedamstva z hienieralnym dyrektaram Suśvietnaj arhanizacyi achovy zdaroŭja Tedrasam Hiebrejesusam, hiendyrektaram Suśvietnaj arhanizacyi intelektualnaj ułasnaści Darenam Tanham, Viarchoŭnym kamisaram AAN pa pravach čałavieka Mišel Bačelet, prezidentam Mižnarodnaha kamiteta Čyrvonaha Kryža Pieteram Maŭreram.
U fokusie ŭvahi — «aktualnyja pytańni mižnarodnaha paradku dnia ŭ śfierach dziejnaści kontrpartnioraŭ, biełaruski padychod da prablem, jakija znachodziacca ŭ zonie adkaznaści kožnaj z nazvanych arhanizacyj, a taksama inšyja temy, jakija ŭjaŭlajuć uzajemnuju cikavaść».
