U Asipovičach na 17-hadovaha chłopca abvaliłasia bietonnaja plita
17 krasavika ratavalnikam pastupiła paviedamleńnie pra toje, što ŭ zakinutym budynku pa vulicy Staškieviča ŭ Asipovičach plity pierakryćcia ŭpali na čałavieka, piša pres-słužba MNS.
Fota MNS
Heta zdaryłasia ŭ adnym z budynkaŭ na terytoryi zakinutaha niedabudavanaha balničnaha kompleksa.
Terytoryja abjekta nie abharodžanaja, dostup u budynak nie abmiežavany.
Rabotniki MNS z dapamohaj hidraŭličnaha damkrata dastali paciarpiełaha z-pad žalezabietonnaj plity i pieradali rabotnikam chutkaj.
Paciarpieły, 2003 hoda naradžeńnia, vychavaniec Asipovickaj škoły-internata dla dziaciej z parušeńniem funkcyj aporna-ruchalnaha aparata, raspavioŭ, što hulaŭ u zakinutym budynku, na budaŭničyja kanstrukcyi nie ŭździejničaŭ. Z strasieńniem hałaŭnoha mozhu i pierałomami chłopca dastavili ŭ balnicu.