Rasija vyšle zatrymanaha ŭkrainskaha konsuła
Rasija vyrašyła vysłać ukrainskaha konsuła Alaksandra Sasaniuka, zatrymanaha FSB u Sankt-Pieciarburhu pry atrymańni nibyta zakrytaj infarmacyi.
Pra heta skazana na sajcie MZS Rasii, paviedamlaje lenta.ru.
Dypłamat pavinien pakinuć terytoryju krainy da 22 krasavika. Časovy pavierany ŭ spravach Ukrainy ŭ Maskvie Vasil Pakaciła byŭ vyklikany ŭ MZS z-za «supraćpraŭnaj dziejnaści ŭkrainskaha konsuła», adznačyli ŭ viedamstvie.
Raniej Kijeŭ raskrytykavaŭ dziejańni rasijskaha boku ŭ dačynieńni da svajho dypłamata i anansavaŭ miery ŭ adkaz. Pisałasia, što 17 krasavika ŭkrainski konsuł na sustrečy z rasijaninam u Sankt-Pieciarburhu pasprabavaŭ atrymać infarmacyju zakrytaha charaktaru i byŭ zatrymany. Jaho dziejnaść acenienaja jak varožaja ŭ adnosinach da Rasii i nie sumiaščalnaja sa statusam dypłamata.
46-hadovy Sasaniuk žanaty, u jaho dvoje synoŭ, jaho siamja pražyvaje ŭ Roŭnie (Ukraina).
