Krainy G7 zaklikajuć RF spynić pravakacyi la miežaŭ Ukrainy
Kiraŭniki MZS krain G7, a taksama kiraŭnik jeŭrapiejskaj dypłamatyi Žazep Barel u paniadziełak zaklikali Rasiju spynić pravakacyi kala miažy z Ukrainaj, piša Interfaks.
«Hetyja maštabnyja pieramiaščeńni vajskoŭcaŭ, jakija pravodziacca biez papiaredniaj abviestki, ujaŭlajuć saboj pahrozu i destabilizujuć situacyju. My zaklikajem Rasiju spynić pravakacyi i nieadkładna źnizić napružanaść u adpaviednaści ź mižnarodnymi abaviazkami», — havorycca ŭ zajavie G7, apublikavanaj Vialikabrytanijaj, jakaja staršynstvuje ŭ hetaj hrupie.
U dakumiencie adznačajecca, što G7 i ES «vielmi zaniepakojenyja maštabnym uzmacnieńniem rasijskich sił» kala miežaŭ z Ukrainaj i ŭ Krymie.
Krainy «Vialikaj siamiorki» zajavili, što vykazvajuć padtrymku «padychodu Ukrainy, zasnavanamu na strymanaści».
Jany znoŭ adznačyli, što padtrymlivajuć niezaležnaść, suvierenitet i terytaryjalnuju cełasnaść Ukrainy, a taksama namahańni Francyi i Hiermanii ŭ pracy ŭ «narmandskim farmacie» dla dasiahnieńnia vykanańnia Minskich damoŭlenaściej.
