Preparat, što pazbaŭlaje ad simptomaŭ kavidu, prajšoŭ vyprabavańni ŭ ZŠA
Pra heta paviedamiła amierykanskaja kampanija.
Fota Pixabay
Amierykanskaja bijatechnałahičnaja karparacyja Regeneron Pharmaceuticals apublikavała vyniki treciaj fazy vyprabavańniaŭ preparata REGEN-COV na bazie dvuch vidaŭ manakłanalnych antyciełaŭ. Zhodna z zajavaj kampanii dla presy, novyja leki źnižajuć na 81% ryzyku raźvićcia simptamatyčnaha kavidu ŭ ludziej, što žyvuć u adnym pamiaškańni z čałaviekam, infikavanym kavidam, u paraŭnańni z kantrolnaj hrupaj, jakaja atrymlivała płaceba.
REGEN-COV užo vykarystoŭvajecca dla dapamohi chvorym na kavid. Cikava, što mienavita jaho ŭžyvali dla lačeńnia Donalda Trampa letaś u kastryčniku. Ale vyniki vyprabavańniaŭ dajuć nadzieju, što preparat moža dapamahčy praduchilić i samo zachvorvańnie, piša The Wall Street Journal.
Zaraz Regeneron Pharmaceuticals płanuje atrymać ad amierykanskaha Kiravańnia pa kantroli za praduktami charčavańnia i lekami dazvoł na vykarystańnie preparata ŭ prafiłaktycy kavidu. Na siońnia 21,3% amierykancaŭ užo atrymali abiedźvie častki vakcyny, pry hetym 35,3% žycharoŭ ZŠA atrymali chacia b adnu častku pryščepki. Chutki dazvoł na vykarystańnie REGEN-COV abaronić ad chvaroby ŭsich astatnich amierykancaŭ.