Dziasiatki miljonaŭ ludziej užyvajuć mianuški žyvioł u jakaści parolaŭ
Zhodna z vynikami apytanki Nacyjanalnaha centra kibierbiaśpieki Brytanii, 15% žycharoŭ hetaj krainy (amal 10 miljonaŭ čałaviek) vykarystoŭvajuć u jakaści parola mianušku svajoj chatniaj žyvioły. Brytancaŭ nie spyniaje toj fakt, što takija paroli — lohkaja zdabyča dla chakieraŭ.
Fota Nadziei Bužan
Taksama vyśvietliłasia, što 14% žycharoŭ Brytanii ŭžyvajuć u jakaści parola imia člena siamji, 13% vybirajuć značnuju datu, 6% uklučajuć u svoj parol słova password («parol» pa-anhlijsku).
Inšyja varyjanty drennych parolaŭ uklučajuć u siabie nazvu lubimaj spartovaj kamandy karystalnika (6%), šerah ličbaŭ kštałtu «123456» (6%) ci nazvu lubimaj telepieradačy (5%). Pry hetym 40% karystalnikaŭ śćviardžajuć, što jany nikoli nie ŭklučali ŭ svoj parol takija lohkija dla rasšyfroŭvańnia elemienty, piša VVS.
Usie paznačanyja vyšej paroli možna lohka ŭzłamać z dapamohaj zvyčajnaha padboru. Naprykład, možna ŭvodzić papularnyja mianuški chatnich žyvioł, ci adšukać u sacyjalnych sietkach karystalnika imiony jaho rodnych ci važnyja dla jaho daty.
Ekśpierty Nacyjanalnaha centra kibierbiaśpieki rajać vybirać dla parola vypadkovyja słovy, pra jakija chakieram ciažka zdahadacca. Jašče adna dobraja ideja — stavić u kancy parola kličniki ci inšyja simvały i zachoŭvać paroli ŭ śpiecyjalnych prahramach — dyśpietčarach parolej. Pry hetym dla elektronnaj skryni lepš vybirać asobny parol.
