U «Ekspabiele» zamiest Bigzz siońnia adkryvajecca «Hipa»
Na miescy pieršaha hipiermarkieta Bigzz u HRC Expobel 8 krasavika adkryvajecca «Hipa», adnak krama pakul biez šyldy, piša Tut.by.
Raniej pisałasia, što hipiermarkiet adkryjecca z novym rytejleram u červieni, adnak u «Biełvilesden» rastłumačyli, čamu mahazin źjaviŭsia raniej.
— My zrabili ŭsio mahčymaje, kab u samyja karotkija terminy adkryć praduktovy mahazin na miescy byłoha BIGZZ. My razumiejem, jak važna mieć charčovuju kramu ŭ handlovym centry, i my zabiaśpiečym dobry asartymient i servis. Ale krama ciapier bieź imia i biez šyldy. Bo zusim chutka, u červieni, my adkryjem u hetym ža budynku ŭ novaj častcy centra naš novy vialiki hipiermarkiet «Hipa», dzie ŭ poŭnaj miery vykarystoŭvajecca i ŭ dačynieńni ŭsiu našu ekśpiertyzu. My ŭžo pačali ramontnyja raboty. Šyroki asartymient harodniny i sadaviny, vialiki fudkort, pašyranaja liniejka zdarovaha charčavańnia, šmat śviežaj vypiečki, miasa i ryby čakaje našych haściej, — raspavioŭ pradstaŭnik kampanii «Biełvilesden».
Płošča hipiermarkieta składaje 13 tysiač «kvadrataŭ».
Bigzz pracavaŭ u Expobel z 2005 hoda, i heta byŭ pieršy biełaruski hipiermarkiet. U 2021 hoda kramy sietki začynilisia, kampanija rytejlera pajšła na likvidacyju.
