U Minsku zatrymali dziaŭčat, jakija ŭ bieł-čyrvona-biełaj vopratcy hulali pa praśpiekcie Pieramožcaŭ
Zatrymanyja dziaŭčyny, jakija ŭ bieł-čyrvona-biełaj vopratcy špacyravali pa praśpiekcie Pieramožcaŭ, paviedamili ŭ minskaj milicyi.
U milicyi adznačajuć, što častka zatrymanych «źjaŭlajucca členami šmatdzietnaj siamji i pražyvajuć u pabudavanym z dapamohaj dziaržaŭnaj padtrymki pryvatnym domie ŭ Minskim rajonie». U domie vyjavili «pratesnuju» simvoliku.
Pravodzicca pravierka. Inšych padrabiaznaściaŭ niama.
Fotazdymki dziaŭčat u bieł-čyrvona-biełaj vopratcy i z parasonami na praśpiekcie Pieramožcaŭ u Minsku źjavilisia 6 krasavika.
Pravaabaroncy prakamientavali zatrymańnie ŭdzielnikaŭ «žanočaha maršu».
Pa ich infarmacyi, siońnia ŭ Pryłuckaj Słabadzie byli zatrymanyja členy adnoj siamji: dźvie siastry, brat i ich mama.
Kala 18-j hadziny na šlachu da pracy zatrymali 30-hadovuju Juliju Michajłavu. Praź niekatory čas siłaviki pryjechali da jaje dadomu ź pieratrusam.
Paźniej supracoŭniki ŭ cyvilnym zatrymali brata Julii 27-hadovaha Piatra i jaje starejšuju siastru 36-hadovuju Liliju Subač, u jakoj dvoje niepaŭnaletnich dziaciej. Z supracoŭnikami milicyi i pajechała maci zatrymanych Taćciana Michajłava.
