Amierykanskaja armija prateściruje ŭłasnuju vakcynu ad kavidu
Armija ZŠA pačnie ispyty na darosłych vałanciorach vakcyny ad kavidu, zdolnaj, pa słovach navukoŭcaŭ, abaranić ad roznych štamaŭ chvaroby.
Fota Depositphotos.com
Vyprabavańni projduć u Armiejskim navukova-daśledčym instytucie imia Uołtera Ryda, jaki i raspracavaŭ vakcynu.
Pieršapačatkovyja vyniki teściravańnia źjaviacca ŭ siaredzinie leta. Kali jany buduć stanoŭčymi, raspracoŭščyki vakcyny płanujuć padklučyć da pracy nad joj farmaceŭtyčnuju kampaniju, paviedamlaje The Wall Street Journal.
Navukoŭcy kažuć, što ich vakcyna pakazała dobryja vyniki padčas vyprabavańniaŭ na małpach, jakich sprabavali zarazić kavidam.
Taksama jość nadzieja, što armiejskaja vakcyna moža abaraniać ad novych i bolš zaraznych štamaŭ virusa, naprykład, ad brytanskaha i paŭdniovaafrykanskaha. Miarkujecca, što hetu pryščepku možna budzie rabić ludziam, jakija ŭžo atrymali zarehistravanuju vakcynu, kab zrabić ich imunitet jašče macniejšym.
Navukoŭcy ź Instytuta imia Uołtera Ryda stvaryli svaju vakcynu šlacham pieramiaščeńnia kopii šypavaha białka z pavierchni virusa SARS-CoV-2 na inšy białok — fierytyn. Fierytyn utvaraje šmatbakovyja śfieryčnyja struktury, jakija pa svajoj formie nahadvajuć čaścicy karanavirusa. Meta hetaha — spravakavać imunny adkaz, jaki moža ŭ budučyni dapamahčy praduchilić zaražeńnie kavidam.
