Ukraina damoviłasia ab pastaŭcy 10 miljonaŭ doz vakcyny Pfizer
Prezident Ukrainy Uładzimir Zialenski zajaviŭ, što Ukraina padpisała kantrakt z karparacyjaj Pfizer na 10 miljonaŭ doz vakcyny suprać karanavirusa. Kali hetaja vakcyna budzie va Ukrainie — nieviadoma.
Pa słovach Zialenskaha, adpaviednyja pieramovy vialisia jašče ź lutaha hetaha hoda. Tady kiraŭnik kampanii Pfizer Albiert Burła nibyta paabiacaŭ zrabić usio, kab Ukraina atrymała preparat.
«Siońnia vielmi važny dzień dla Ukrainy i dla ŭkraincaŭ — my siońnia narešcie padpisali važny kantrakt z kampanijaj Pfizer na pastaŭku 10 miljonaŭ doz vakcyny Pfizer. Heta sapraŭdy składana było zrabić, ale dziakujučy razmovie z kiraŭnikom kampanii Pfizer Albiertam Burłoju — u mianie ź im była razmova 8 lutaha — jon paabiacaŭ, što zrobić usio mahčymaje i niemahčymaje. I zrabiŭ heta», — zajaviŭ Zialenski.
