U Dubai zahinuŭ zasnavalnik «Carskaha zołata»: sutyknuŭsia ŭ pavietry ź inšym parašutystam
Padčas adpačynku ŭ AAE zahinuŭ biełaruski biznesoviec Pavieł Karahin. Hetuju infarmacyju paćvierdzili Tut.by jaho svajaki i kalehi. U vieraśni 2020 hoda jon adznačyŭ 45-hodździe.
Fota pradstaŭlena siamjoj Paŭła Karahina
Trahiedyja adbyłasia 30 sakavika ŭ Dubai, dzie Karahin znachodziŭsia ź siamjoj na adpačynku.
— Pavieł zajmaŭsia parašutnym sportam bolš za 20 hadoŭ. U toj fatalny dzień jon skakaŭ ź mižnarodnaj kamandaj u centry parašutnaha sportu Skydive Dubai Desert. Pa niaščasnym źbiehu abstavin adbyłosia sutyknieńnie parašutystaŭ u pavietry. Paŭłu nie chapała času i vyšyni, kab raskryć zapasny parašut, — raspaviali kalehi Karahina.
Pavieł Karahin šyroka viadomy ŭ juvielirnym biznesie. Jon byŭ zasnavalnikam i ŭładalnikam sietak «Carskaje zołata», «Załataja mara» i «Stajm». U 2020 hodzie jon vyjšaŭ z hetaha biznesu i staŭ realizoŭvać siabie ŭ inšych prajektach.
U Paŭła zastalisia žonka i troje dziaciej.