U Hłusku mužčyna pasvaryŭsia ŭ kaviarni ź inšaj kampanijaj, a potym prataraniŭ ich na aŭto VIDEA
Zdareńnie adbyłosia nočču 4 krasavika kala načnoj kaviarni.
Pierad hetym mužčyna razam sa znajomym adpačyvaŭ u kaviarni i pasvaryŭsia ź inšaj kampanijaj. Miarkujecca, što heta i stała pryčynaj najezdu na ludziej, paviedamlaje pres-słužba MUS.
Pierad zakryćciom bara naviedvalniki vyjšli na vulicu. Dvoje ź ich sieli ŭ «Aŭdzi» i prataranili kampaniju, jakaja stajała na tratuary kala ŭvachodu.
U vyniku najezdu paciarpieli piać mužčyn, adzin ź ich špitalizavany.
Kiroŭca nie spyniŭsia i pasprabavaŭ źjechać ź miesca, narad DAI pačaŭ pahoniu. Milicyjanty nieadnarazova padavali sihnał ab spynieńni, uklučajučy čyrvona-sinija majački i hukavy sihnał. U vyniku ŭdałosia spynić inšamarku za 10 km ad rajcentra.
Za rulom byŭ 34-hadovy babrujčanin. Ad miedycynskaha ahladu jon admoviŭsia. Raniej jon byŭ sudzimy za chulihanstva i nieadnarazova pryciahvaŭsia da administracyjnaj adkaznaści.
