Pryniaty ŭ pieršym čytańni zakonaprajekt ab niedapuščeńni reabilitacyi nacyzmu
Prajekt zakona «Ab niedapuščeńni reabilitacyi nacyzmu» ŭniesieny ŭ Pałatu pradstaŭnikoŭ Saŭminam. U prajekcie ŭpieršyniu zakanadaŭča zamacoŭvajucca aznačeńni terminaŭ «nacysckija złačyncy», «pamahatyja nacysckich złačyncaŭ», a taksama vyznačajucca subjekty procidziejańnia reabilitacyi nacyzmu. Funkcyju pa kaardynacyi dziejnaści subjektaŭ prapanujecca ŭskłaści na orhany ŭnutranych spraŭ, piša BiełTA.
Zakonaprajekt raspracavany z ulikam norm madelnaha zakona Mižparłamienckaj asamblei dziaržaŭ — udzielnic SND «Ab niedapuščalnaści dziejańniaŭ pa reabilitacyi nacyzmu, hieraizacyi nacysckich złačyncaŭ i ich pamahatych».
«Na žal, my bačym hetyja pracesy ŭ suśvietnym maštabie, kali pierapisvajecca historyja, pierahladajucca vyniki tych padziej, jakim adnaznačnaja acenka była dadziena mižnarodnym trybunałam, — skazała namieśnica staršyni Pastajannaj kamisii pa pravach čałavieka, nacyjanalnych adnosinach i ŚMI Lilija Ananič. — Na žal, i ŭ našaj krainie atrymlivajuć raspaŭsiudžańnie takija idei, sproby reabilitacyi nacyzmu. Heta prajaŭlajecca ŭ pavieličeńni razhladu spraŭ pa adpaviednych administracyjnych pravaparušeńniach. I my pavinny jašče raz uvažliva pahladzieć, bo naša kraina pravodzić dakładnuju, paśladoŭnuju palityku, u tym liku i na mižnarodnaj arenie, ab niedapuščalnaści hieraizacyi nacyzmu».
U prajekcie zakona prapisana zabarona na hieraizacyju nacyzmu, jaje finansavańnie, dziejnaść arhanizacyj, uklučajučy zamiežnyja, jakija prapahandujuć hieraizacyju nacyzmu, u tym liku ŭ internecie.
«Upieršyniu zakanadaŭča zamacoŭvajucca aznačeńni terminaŭ «nacysckija złačyncy», «pamahatyja nacysckich złačyncaŭ». Nielha niedaaceńvać hetyja pracesy. My bačym, nakolki jany zhubnyja, na prykładach inšych dziaržaŭ, kali inšyja hieroi, inšyja asoby pad lubymi markami sprabujuć naviazać hramadstvu i apraŭdać złačynnaje pa svajoj sutnaści chaŭruśnictva z nacyzmam», — adznačyła parłamientaryj.
Prajektam zakona ŭstanaŭlivajucca asnoŭnyja napramki prafiłaktyki reabilitacyi nacyzmu.
U pryvatnaści, uvodzicca abaviazkovy manitorynh vykanańnia zakanadaŭstva ŭ častcy niedapuščeńnia reabilitacyi nacyzmu, praduhledžany miery procidziejańnia reabilitacyi nacyzmu, uklučajučy vyniasieńnie aficyjnaha papiaredžańnia i pradpisańnia, prypynieńnie, zabarona dziejnaści, likvidacyja ekstremisckaj arhanizacyi. Asobny artykuł pryśviečany procidziejańniu reabilitacyi nacyzmu pry ŭviekaviečańni pamiaci zahinułych.
