Admienienyja vyniki adboru na Nacyjanalnuju teatralnuju premiju. Siarod udzielnikaŭ byli dva śpiektakli kupałaŭcaŭ
Ministerstva kultury admianiła vyniki adboračnaha tura Nacyjanalnaj teatralnaj premii 2020 hoda i praviadzie novy adbor. Pra heta paviedamiŭ tielehram-kanał viedamstva, piša Tut.by.
Scena sa śpiektakla «Karol Lir», t.me/kupalausk
— U suviazi sa šmatlikimi prośbami ab padaŭžeńni terminaŭ pryniaćcia zajavak na ŭdzieł u respublikanskim konkursie teatralnaha mastactva «Nacyjanalnaja teatralnaja premija», jakija pastupili ŭ adras Ministerstva kultury, pryniata rašeńnie ab praviadzieńni respublikanskaha konkursu teatralnaha mastactva «Nacyjanalnaja teatralnaja premija» ŭ 2021 hodzie i ab admienie vynikaŭ adboračnaha tura 2020 hoda — paviedamiła Ministerstva.
Adbor na Nacyjanalnuju teatralnuju premiju adbyŭsia ŭ 2020 hodzie. Siarod śpiektaklaŭ, jakija prajšli adbor, byli «Karol Lir» i «Šlachcic Zavalnia, abo Biełaruś u fantastyčnych apaviadańniach», pastaŭlenyja ŭ Kupałaŭskim teatry adpaviedna režysiorami Mikałajem Pinihinym i Alenaj Hanum.
Finalnyja mierapryjemstvy konkursu pavinny byli prajści ź vieraśnia pa śniežań 2020 hoda. Ale jany nie adbylisia.
Novy adboračny tur projdzie z 1 pa 30 krasavika 2021 hoda. Druhi etap, na jakim buduć padviedzieny vyniki konkursu, jaki projdzie ŭ terminy, vyznačanyja arhkamitetam.
