«Publičnyja zakliki da zachopu dziaržaŭnaj ułady». Maci piaciarych dziaciej Volzie Załatar vystavili abvinavačańnie
38-hadovaj šmatdzietnaj maci sa Ždanovičaŭ Volzie Załatar vystavili abvinavačańnie, pavodle jakoha joj pahražaje da troch hadoŭ. Hetuju infarmacyju Svabodzie paćvierdziŭ advakat Volhi Andrej Mačałaŭ.
Fota sa staronki Volhi Załatar u fejsbuku
Žycharku Ždanovičaŭ Volhu Załatar aryštavali 18 sakavika. Siłaviki spynili jaje aŭtamabil, dzie, akramia Volhi, znachodziłasia jaje niepaŭnaletniaja dačka. Paśla hetaha, pa słovach susiedziaŭ, dadomu da Volhi pryjechała hrupa siłavikoŭ z HUBAZiKa. Jany praviali pieratrus i zabrali Volhu z saboj. Jana znachodzicca ŭ SIZA na Vaładarskaha.
U toj ža dzień uviečary byli zatrymali muža Volhi Siarhieja. Jaho asudzili na 10 dzion administracyjnaha aryštu, jon vyzvaliŭsia 28 sakavika.
Siamja Volhi pakul nie kamientuje sytuacyi. U piatnicu 26 sakavika Volzie aficyjna vystavili abvinavačańnie.
«Volzie vystavili abvinavačańnie pavodle artykuła 361, častki 1, — skazaŭ advakat Volhi Załatar Andrej Mačałaŭ. — Pakul kamientaroŭ bolš nie budzie, Volha pryniała takoje rašeńnie».