U Polščy ŭkrainski aŭtobus trapiŭ u DTZ. 5 čałaviek zahinuli, dzieviać znachodziacca ŭ ciažkim stanie
Zdareńnie adbyłosia 6 sakavika pablizu pamiežnaha punkta propusku Korčava — Krakaviec. Aŭtobus «Poznań — Chierson», u jakim znachodzilisia 57 hramadzian Ukrainy, trapiŭ u DTZ. U vyniku avaryi zahinuli 5 čałaviek.
pap.pl
Pa stanie na 07:00 8 sakavika ŭ lačebnych ustanovach znachodziacca 24 čałavieki (ź ich 9 u ciažkim stanie), paviedamlaje RBK Ukraina.
Nahadajem, raniej paviedamlałasia, što va Ukrainu adpravili pieršuju hrupu pasažyraŭ hetaha aŭtobusa. U pryvatnaści, dadomu adpravili 24 čałaviek.
Kiroŭcu ŭžo vystavili abvinavačvańnie, jamu pahražaje da vaśmi hadoŭ pazbaŭleńnia voli. Uładzimira K. abvinavačvajuć u nienaŭmysnym ździajśnieńni avaryi na naziemnym transparcie. Jon užo zajaviŭ, što nie pamiataje situacyju z DTZ.
Imaviernaj pryčynaj DTZ staŭ niaŭdały manieŭr, kali kiroŭca vyrašyŭ źjechać na miesca stajanki i adpačynku.
