Cana nafty Brent pieravysiła $70 za baral
Cana na majski fjučars nafty Brent na Łondanskaj biržy ICE pieravysiła adznaku ŭ $70 za barel. Apošni raz nafta paŭnočnamorskaj marki pakazvała takuju canu ŭ studzieni 2020 hoda.
Zamir Usmanaŭ, TASS
Pavodle stanu na 2:25 8 sakavika, košt fjučarsa Brent z pastaŭkaj u mai składaŭ $70,58. Na maksimumie baral kaštavaŭ $70,86, pakazaŭšy rost bolš za 1,8%.
U toj ža čas košt barala nafty marki WTI na Łondanskaj biržy pavysiŭsia da $67,25, rost skłaŭ 1,76%. Heta najvyšejšy pakazčyk koštu techaskaj marki za apošnija dva hady.
Ceny na naftu pačali ŭpeŭniena raści ŭ lutym paśla anamalnych marazoŭ u amierykanskim Techasie, jakija pryviali da spynieńnia zdabyčy. Pavieličeńniu koštu spryjali aptymizm na rynkach z nahody adnaŭleńnia suśvietnaj ekanomiki ŭ suviazi z vakcynacyjaj ad COVID-19. Usio heta pryviało da viartańnia cenaŭ na naftu na dakryzisny ŭzrovień.
Cikava, što amal roŭna hod tamu, 9 sakavika 2020 hoda, adbyvałosia rekordnaje padzieńnie cenaŭ na naftu. U niejki momant cana Brent padała da 31 dalara.
