Haradskija ŭłady zaklikali da masavaj hienieralnaj uborki z 15 sakavika
Z 15 sakavika ŭsie pradpryjemstvy i arhanizacyi, ustanovy achovy zdaroŭja, adukacyi pavinny prystupić da hienieralnaj uborki stalicy.
Takoje daručeńnie daŭ na pasiadžeńni rabočaj hrupy pa pytańniach dobraŭparadkavańnia i ŭtrymańnia stalicy namieśnik staršyni Minharvykankama Alaksandr Darachovič, paviedamlajuć Minsk-naviny.
— Kamunalnyja słužby horada napružana pracavali zimoj, za što im vialiki dziakuj, i, jak tolki syšoŭ śnieh, jany zanialisia naviadzieńniem paradku na terytoryjach.
Z ulikam prahnozu, z 15 sakavika da ich pavinny dałučycca ŭsie subjekty, kab navieści idealnuju čyściniu. Administracyjam rajonaŭ da hetaha terminu nieabchodna «źvieryć hadzińniki» i pastavić zadačy subjektam haspadarańnia, — skazaŭ A. Darachovič.
Jon dadaŭ, što varta aktyŭna zaniacca ačystkaj ad piasku kałodziežaŭ liŭnievaj kanalizacyi i daroh. Bo mienavita im apracoŭvali vulicy suprać zimovaj ślizkaści, asabliva ŭ miescach padtapleńniaŭ.
Aktyŭnaha ŭdziełu ŭ naviadzieńni paradku ŭ horadzie čakajuć ad navučencaŭ staršakłaśnikaŭ, vučniaŭ siarednich śpiecyjalnych navučalnych ustanoŭ, studentaŭ VNU.
