Fotažurnalista «Novaha Času» Dźmitryja Dźmitryjeva dapytali ŭ SK
Fotakarespandent haziety «Novy Čas» Dźmitryj Dźmitryjeŭ byŭ na dopycie ŭ Śledčym kamitecie ŭ jakaści padazravanaha pa art. 342 KK (Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich). Paśla dopytu Dźmitryjeŭ skazaŭ, što «ŭsio prajšło spakojna», paviedamlaje BAŽ.
BAŽ
Dźmitryj miarkuje, što ciapier iduć dopyty ŭsich, chto admoviŭsia davać pakazańni paśla zatrymańnia 1 listapada 2020 hoda.
Nahadajem, 1 listapada ŭ Minsku adbyvaŭsia pratesny marš da Kurapataŭ — miesca rasstrełu, pachavańniaŭ achviaraŭ stalinskich represij. Pa šlachu da Kurapataŭ siłaviki šmat razoŭ razhaniali natoŭp. Byli zatrymanyja žurnalisty.
Dźmitryj Dźmitryjeŭ raspavioŭ śledčamu, što pracavaŭ u toj dzień jak fotažurnalist, mieŭ pry sabie dakumienty, byŭ abaznačany jak žurnalist, na prajezdžuju častku nie vychodziŭ.
Dźmitryj kaža, što dalej abo ź jaho musiać źniać padazreńni pa kryminalnaj spravie, abo buduć vystaŭlać abvinavačvańnie.
