Nieviadomyja ŭzłamali fejsbuk prezidenta Kyrhyzstana
Sadyr Žaparaŭ nie maje nijakaha dačynieńnia da apošnich kamientaroŭ, jakija byli raźmieščanyja ź jaho staronki, skazała pres-sakratarka kiraŭnika dziaržavy Halina Bajterek.
«Asabistaja staronka prezidenta Sadyra Žaparava ŭ sacyjalnaj sietcy Facebook była ŭzłamanaja nieviadomymi. Złamyśniki pakidali kamientary z nazvanaj staronki pad roznymi pastami», — adznačyła pres-sakratarka.
Pavodle jaje słoŭ, prezident nie maje nijakaha dačynieńnia da apošnich kamientaroŭ, jakija byli raźmieščanyja ź jaho staronki ŭ Facebook.
«Sadyr Žaparaŭ z pavahaj stavicca da ŭsich mierkavańniaŭ, jakija vykazvajucca ŭ hramadstvie, u tym liku i krytyčnych, tamu nikoli nie dazvoliŭ by sabie padobnyja vykazvańni», — padkreśliła Bajterek.
U sacsietcy Facebook majecca jak minimum try staronki ź imiem «Sadyr Žaparaŭ», pra jakuju ź ich idzie havorka ŭ zajavie pres-sakratarki nie ŭdakładniajecca, piša TASS.
