«Pakul nie chvalujemsia». U Minharvykankamie raskazali, kali ŭ Minsku zavieršycca aciaplalny siezon
Pra heta «Minsk-navinam» paviedamiŭ namieśnik staršyni Minharvykankama Alaksandr Darachovič.
«My kirujemsia narmatyŭnymi aktami, jakija praduhledžvajuć, što rašeńnie ab zaviaršeńni asieńnie-zimovaha pieryjadu miascovyja vykanaŭčyja kamitety prymajuć pry ŭstalavańni siaredniasutačnaj tempieratury, nie nižejšaj za +8 hradusaŭ na praciahu troch sutak zapar. Z praktyki, jakaja skłałasia ŭ apošnija hady, mahu skazać, što zvyčajna heta adbyvajecca ŭ pieršaj-druhoj dekadzie krasavika».
Jon dadaŭ, što ŭ 2020 h. zrabili vyklučeńnie: u suviazi ź pieršaj chvalaj kavida aciaplalny siezon byŭ praciahnuty. Dla žyłych i administracyjnych budynkaŭ jon zaviaršyŭsia 8 maja, dla škoł, VNU i ŭstanoŭ achovy zdaroŭja — 26 maja.
«Sioleta my budziem dziejničać u adpaviednaści z narmatyŭnymi aktami i epidemičnym stanoviščam.
Naturalna, uličvajučy faktyčnaje nadvorje i jaho prahnoz, u najbližejšy čas pytańnie zaviaršeńnia aciaplalnaha siezona razhladać nie płanujem, — skazaŭ A. Darachovič.
