Miniust pazbaviŭ licenzii troch advakataŭ, jašče troch atestavaŭ umoŭna z «pryčyny niedastatkovaj kvalifikacyi»
Kvalifikacyjnaja kamisija pa pytańniach advakackaj dziejnaści ŭ Respublicy Biełaruś praviała pazačarhovuju atestacyju advakataŭ. Jak paviedamiła Ministerstva justycyi, ź siami advakataŭ atestacyju prajšoŭ tolki adzin, piša Tut.by.
Atestacyju prajšła tolki advakatka Julija Karačun. Nie byli atestavanyja, a tamu pazbaŭlajucca mahčymaści vykonvać svaje prafiesijnyja abaviazki «z pryčyny niedastatkovaj kvalifikacyi» advakaty Andrej Bartaševič, Mikałaj Jetka i Alena Šynkarevič.
Jašče trom advakatam — Darji Harochavik, Śviatłanie Konavaj i Alenie Majsenie — z-za «niapoŭnaj adpaviednaści patrabavańniam zakanadaŭstva» adterminavali atestacyju na šeść miesiacaŭ «pry ŭmovie vykanańnia rekamiendacyj kvalifikacyjnaj kamisii, u tym liku ab prachodžańni advakatami pavyšeńnia kvalifikacyi».
Miniust paviedamlaje, što ŭ 2020 hodzie praviedzienaja płanavaja pravierka dziejnaści Minskaj abłasnoj kalehii advakataŭ. U chodzie pravierki byli ŭstanoŭleny fakty parušeńnia advakatami Zakona ab advakatury, Praviłaŭ prafiesijnaj etyki advakata, vyjaŭleny parušeńni pry składańni pravavych dakumientaŭ, dahavoraŭ na akazańnie jurydyčnaj dapamohi, orderaŭ. Usio heta źjaŭlajecca padstavaj dla praviadzieńnia kvalifikacyjnaj kamisijaj pazačarhovaj atestacyi advakataŭ, adznačajuć u viedamstvie.