Pasoł Mieziencaŭ: Zachad robić usio, kab nie dapuścić zbližeńnia Rasii i Biełarusi
Pra heta pasoł Rasii zajaviŭ u aŭtorak u prahramie «Paśpieć da apoŭnačy» na «Biełaruś-1», piša TASS.
«Sprava ŭ tym, što palityčnaja intehracyja, zbližeńnie Biełarusi i Rasii jość najvažniejšy faktar, ź jakim nie pahadžajucca na Zachadzie, i [Zachadu] treba rabić usio, kab adarvać Biełaruś ad Rasii. I prykładaŭ navat na našych vačach tamu, na žal, vielizarnaje mnostva», — skazaŭ dypłamat.
Mieziencaŭ padkreśliŭ, što zachodnija krainy, zdavałasia b, pavinny zaprašać inšyja dziaržavy da zbližeńnia, da dyjałohu ź ES, da źnižeńnia ŭzroŭniu napružańnia, jakoje «nie moža adpaviadać XXI stahodździu, stahodździu cyvilizavanaha».
Razam z tym, padkreśliŭ jon, «vypinajucca na pieršy płan pahrozy, paproki», naviazvańnie madeli, ź jakoj «pavinien pahadzicca toj ci inšy partnior z postsavieckich respublik, a kali nie, to pahrozy i sankcyi tolki ŭzrastajuć». Sa słoŭ dypłamata, heta «tupikovy šlach, jaki ničoha nie daść, ale ŭsich nas, i adzin, i druhi bok, robić biadniejšymi».
