Asnoŭnaje za 2 sakavika: Łukašenka pra tranśfier ułady, prysud Barysievič i Sarokinu, situacyja z «Bajpołam»
Łukašenka: Nijakaha tranśfieru ŭłady ŭ Biełarusi być nie moža
Pra heta jon zajaviŭ na naradzie ŭ Pałacy Niezaležnaści, na jakoj prysutničali premjer Raman Hałočaŭnka, ministr abarony Viktar Chrenin, dziaržsakratar Rady biaśpieki Alaksandr Valfovič i načalnik departamienta mižnarodnaha supracoŭnictva Aleh Voinaŭ.
Ofis Cichanoŭskaj pra videa SK: Śviatłana nikoli nie ŭdzielničała ŭ raspracoŭcy takich płanaŭ
Śviatłana Cichanoŭskaja nikoli nie ŭdzielničała ŭ raspracoŭcy radykalnych płanaŭ pa zachopie budynkaŭ. Tak pres-sakratar eks-kandydata ŭ prezidenty Hanna Krasulina prakamientavała paviedamleńnie Śledčaha kamiteta.
Žurnalistku Kaciarynu Barysievič asudzili na realny termin — 6 miesiacaŭ kałonii. Arciom Sarokin atrymaŭ dva hady z adterminoŭkaj
2 sakavika sud Maskoŭskaha rajona Minska ahučyŭ vyrak doktaru Arciomu Sarokinu i žurnalistcy Kaciarynie Barysievič.
Što adbyvajecca z «Bajpołam»? Čamu abjadnańnie pakinuŭ jaho suzasnavalnik?
Samyja roznyja čutki apošnim časam dachodziać sa stanu «Bajpoła» (BYPOL). Hetaje abjadnańnie ŭtvaryli byłyja supracoŭniki roznych siłavych viedamstvaŭ, jakija syšli z pracy paśla žnivieńskich padziej. «Naša Niva» pasprabavała razabracca, što ciapier robicca ŭnutry hetaj supołki.
Pryjšoŭ HUBAZiK, pytaŭsia pra supracoŭnictva sa Ściapanam Puciłam. Što za zatrymańni byli ŭ internacie BDU?
Siońnia ŭ Minsku prajšli zatrymańni aktyvistaŭ i administrataraŭ telehram-čataŭ. Siarod zatrymanych akazalisia mahistranty histfaka BDU — Alaksandr Paršankoŭ i Alaksandr Novikaŭ. Paršankova praź niejki čas adpuścili, jon raspavioŭ «Našaj Nivie», što adbyvałasia.
