Dźviuch minčanak sudziać za raskidvańnie samarezaŭ kala budynka prakuratury horada
Dźviuch 40-hadovych žycharak Minska Nastaśsiu Nikicinu i Śviatłanu Łabunskuju sudziać za raskidvańnie samarezaŭ kala budynka prakuratury horada.
Pa materyjałach śledstva, žančyny 13 śniežnia raskidali kala 45 mietaličnych samarezaŭ kala prakuratury Minska na vuł. Jakuboŭskaha, 20. Aŭtamabil, za rulom jakoha byŭ paciarpieły Klincevič, naparoŭsia na hetyja samarezy, byli prabityja dva koły. Škoda skłała 36 rubloŭ 18 kapiejek.
27 śniežnia žančyny iznoŭ chacieli paŭtaryć svaje dziejańni, adnak byli zatrymanyja.
Ich abvinavačvajuć u ździajśnieńni złačynstva pa č. 2 art. 339 KK (chulihanstva, ździejśnienaje hrupaj asob), a taksama č.1 art. 14, č. 2 art. 339 (zamach na chulihanstva, ździejśnienaje hrupaj asob paŭtorna).
Nikicina da suda znachodziłasia pad vartaj, choć maje dvuch niepaŭnaletnich dziaciej, Łabunskaja z 30 śniežnia — pad chatnim aryštam.
Svaju vinu ŭ ździejśnienym žančyny pryznali całkam.
Na sudzie Nikicina zajaviła, što jaje pry zatrymańni pakłali na ziamlu, nadzieli kajdanki, a potym u busie źbili, paviedamlaje spring96.org.
