Pahladzicie, jak ratavalniki sieryjaj vybuchaŭ uzarvali lod u Pinskim rajonie VIDEA
Situacyja zaklučałasia ŭ nastupnym.
1 sakavika ludzi źviarnulisia ŭ adździeł pa nadzvyčajnych situacyjach z nastupnaj prablemaj. Z-za kryhachodu isnavała pahroza razbureńnia nizkavodnaha piešachodnaha mosta praz raku Prastyr u vioscy Pare. Da miesca vykliku vyjechali śpiecyjalisty vybuchatechničnaj i vadałaznaj słužbaŭ Pinskaha centra respublikanskaha atrada śpiecyjalnaha pryznačeńnia «Zubr», paviedamlaje 112.by
Vyśvietliłasia, što, sapraŭdy, u pracesie rastavańnia lodu i ruchu kryh pa race z boku Ukrainy ŭ napramku Pinska stvaryłasia pahroza razbureńnia nizkavodnaha piešachodnaha mosta daŭžynioj 40 mietraŭ. Most zabiaśpiečvaje žyćcio vioski, dzie 8 žyłych damoŭ i pastajanna pražyvaje 9 čałaviek.
U Pinskim rajvykankamie było praviedziena pasiadžeńnie kamisii pa nadzvyčajnych situacyjach, na jakim sprahnazavali intensiŭnaje rastavańnie lodu. Było vyrašana zdrabnić lod na race padraździaleńniami MNS.
Rabotniki MNS pad kiraŭnictvam načalnika centra Andreja Kazłova praviali nieabchodnyja padrychtoŭčyja raboty i sieryjaj praviedzienych vybuchaŭ pabili ledzianoje pokryva płoščaj 1200 kvadratnych mietraŭ.
