U Mahilovie padali zajaŭku na praviadzieńnie Dnia Voli
1 sakavika ŭ Mahiloŭski harvykankam pa pošcie była adpraŭlenaja zajaŭka ab praviadzieńni 25 sakavika mitynhu z patrabavańniem palityčnych pravoŭ i svabod, vyzvaleńnia palitviaźniaŭ, a taksama źniaćcia zabaron i abmiežavańniaŭ na vykarystańnie bieł-čyrvona-biełaha ściaha, paviedamlaje 6tv.by.
Apaviaščeńnie ab praviadzieńni mitynhu haradskim uładam nakiravana za podpisam rabotnika adnaho z zavodaŭ. Praduhledžvajecca, što ŭ akcyi voźmuć udzieł da 900 čałaviek, jakija źbiarucca ŭ adzinym miescy, adviedzienym dla masavych mierapryjemstvaŭ, jakija arhanizavanyja nie ŭładaj, — na stadyjonie pa vulicy Čaluskincaŭ, 64-V.
Finansavańnie akcyi zajaŭlena za košt srodkaŭ arhanizatara i achviaravańniaŭ siabraŭ Abjadnanaj hramadzianskaj partyi (AHP). «Padčas praviadzieńnia masavaha mierapryjemstva płanujecca vykarystańnie transparantaŭ i łozunhaŭ. Vykarystańnie transpartnych, piratechničnych srodkaŭ padčas praviadzieńnia masavaha mierapryjemstva nie płanujecca», — havorycca ŭ paviedamleńni.
Zhodna z zakanadaŭstvam, miascovy orhan ułady pavinien razhledzieć zajavu i nie paźniej za piać dzion da daty praviadzieńnia masavaha mierapryjemstva ŭ piśmovaj formie paviedamić jaho arhanizataru ab pryniatym rašeńni — dazvalać abo nie dazvalać akcyju.
