Bił Hiejts sprahnazavaŭ terminy skančeńnia pandemii
Śviet moža nie viarnucca da dakaranavirusnaha stanu raniej za 2022 hod, bo siońniašnich mier «niedastatkova dla spynieńnia pandemii», zajaviŭ zasnavalnik karparacyi Microsoft Bił Hiejts u razmovie z žurnalistami CNN.
Miljarder nazvaŭ cudam chutkaje stvareńnie vakcyn i razhortvańnie imunizacyi i vykazaŭ zdahadku, što ZŠA zmohuć viarnucca da amal dakaranavirusaj situacyi ŭžo vosieńniu, adnak dla pieramohi nad virusam nieabchodna ŭnosić bolšy ŭkład u hłabalnuju baraćbu z COVID-19 i raspaŭsiudžvać vakcynu.
Jon padkreśliŭ, što ciapier preparaty atrymlivajuć u asnoŭnym bahatyja krainy, i jaho fond zakłapočany hetaj prablemaj.
Pa słovach pradprymalnika, źjaŭleńnie novych štamaŭ virusa i paŭtornaje zaražeńnie mohuć pryvieści da taho, što na baraćbu z zachvorvańniem u čałaviectva sydzie ŭvieś 2022 hod. Kab pieramahčy virus u maksimalna ścisłyja terminy, miery pavinny być bolš efiektyŭnyja.
