Prakuror prosić 6 hadoŭ kałonii dla žychara Viciebska z ankazachvorvańniem, jakoha sudziać za hvałt nad milicyjaj
U sudzie Pieršamajskaha rajona Viciebska 26 lutaha adbylisia sprečki bakoŭ u spravie Uładzimira Małachoŭskaha, jakoha abvinavačvajuć pavodle art. 364 KK («Hvałt abo pahroza hvałtam u dačynieńni da supracoŭnikaŭ MUS»), paviedamlaje spring96.org.
Žurnalistaŭ i svajakoŭ padsudnaha na pasiedžańnie nie puścili — trapiła tolki žonka. Jana paviedamiła, što prakurorka zapatrabavała pryznać jaje muža vinavatym i pakarać pazbaŭleńniem voli na 6 hadoŭ.
«Prakurorka prosić pakarać majho muža 6 hadami kałonii. Advakatka nastojvaje, što miera pakarańnia musić być nie źviazanaja z pazbaŭleńniem voli, bo Uładzimir maje invalidnaść, chvareje na ankałohiju i vychoŭvaje dvaich niapoŭnahadovych dziaciej. Prysud abvieściać u paniadziełak 1 sakavika», — paviedamiła žonka Uładzimira Małachoŭskaha Iryna.
Spravu Uładzimira Małachoŭskaha razhladaje sudździa Taćciana Rodzina. Svajakoŭ padsudnaha, paplečnikaŭ i žurnalistaŭ na praces nie puskajuć: spasyłajucca na toje, što ŭ zale sudu mała miesca. Prapuskajuć tolki žonku i ŭdzielnikaŭ pracesu, u tym liku troch paciarpiełych milicyjantaŭ. Pa słovach spadaryni Iryny, 26 lutaha ŭ sudovaj zale adna z łavak była pieraviernutaja «dahary nahami». Ale navat u takoj situacyi chapiła b miesca, kab na pasiedžańni prysutničali inšyja słuchačy.
Žonka abvinavačanaha paviedamiła taksama, što na pasiedžańni ŭ piatnicu jaje muž vyhladaŭ lepš, čym u sieradu 24 lutaha, kali Uładzimira niekalki razoŭ vyvodzili z zały «papić vady». Padčas sudovych sprečak sudździa dazvoliła Małachoŭskamu, adkazvajučy na pytańni, nie ŭstavać z łaŭki. Žonka kaža, što jaje muž u SIZA prastudziŭsia i zaraz u jaho branchit.
Pavodle abvinavačańnia, Uładzimir Małachoŭski padčas zatrymańnia na niesankcyjanavanym šeści 13 vieraśnia sprabavaŭ nanieści traŭmujučyja ŭdary pa roznych čaściach cieła milicyjantaŭ, zavałodaŭ milicejskim žetonam, a paźniej, užo budučy zatrymanym i znachodziačysia ŭ aŭtazaku, raspyliŭ haz z bałončyku ŭ bok milicyjantaŭ.
Advakatka padčas sprečak śćviardžała, što fakt užyvańnia bałončyku ŭ aŭtazaku zastaŭsia niedakazanym.
Paciarpiełymi na pracesie vystupajuć milicyjanty Juryj Kačychin, Alaksiej Jemialjanaŭ i Paźniakoŭ. Usie troje vystavili hramadzianskija pazovy ab maralnaj kampiensacyi na sumu 1000 rubloŭ kožny.