3 hady chimii dali za instalacyju z fota Kačanavaj i Kubrakova
Dzianisa Zajančeŭskaha i Maksima Taćcianku asudzili da 3 hadoŭ «chimii» za instalacyju ŭ vyhladzie pudziłaŭ z fotazdymkami Natalli Kačanavaj, ministra ŭnutranych spraŭ Ivana Kubrakova i amapaŭca ŭ bałakłavie na fonie bieł-čyrvona-biełaha ściaha, paviedamlajuć pravaabaroncy.
Spravu razhladaŭ sudździa Alaksandr Rudenka.
Sudździa adchiliŭ chadajnictva ab praviadzieńni mastackaj ekśpiertyzy adnosna taho, ci źjaŭlajecca instalacyja abraźlivaj. Taksama było adchilenaje chadajnictva ab zaprašeńni Kačanavaj i Kubrakova ŭ jakaści śviedak dla vyśviatleńnia, nakolki abraźlivaja dla ich dadzienaja instalacyja. Chadajnictva ab dałučeńni da spravy charaktarystyk abvinavačanych ź miesca pracy, ad susiedak, ź judejskaj abščyny (u Taćcianki) zadavolili.
Padčas sprečak prakuror zapytaŭ dla kožnaha z abvinavačanych pa try hady abmiežavańnia voli z nakiravańniem u vypraŭlenčuju ŭstanovu adkrytaha typu.
26 lutaha sudździa Alaksandr Rudenka abviaściŭ mienavita taki prysud, jak i zapytvaŭ prakuror. Dzianisa Zajančeŭskaha i Maksima Taćcianku vyzvalili ŭ zale suda.
