Kamanda Viktara Babaryki šukaje pamiaškańnie pad ofis u Minsku — navošta?
Kamanda Viktara Babaryki anansavała, što šukaje novy ofis dla pracy štaba. Patrabavańni: centr horada, 150-200 kvadratnych mietraŭ, openspejs i minimum adzin pieramoŭny pakoj.
Va ŭmovach, kali i sam Viktar Babaryka, i Maryja Kaleśnikava za kratami, iduć sudy nad vałanciorami štaba, a minuły ofis pa adrasie V. Charužaj 25/1 prajšoŭ praz vobšuki, pamiaškańnie było apiačatanaje, paŭstaje łahičnaje pytańnie: a nakolki biaśpiečna źbirać reštki aktyvu ŭ adnym miescy?
Na heta pytańnie nam adkazaŭ pres-sakratar Hleb Hiermančuk, jaki zajmajecca pošukam novaha ofisa razam z Maksimam Bahracovym.
«Čalcy našaj kamandy ŭsio adno viadomyja, tamu ŭ sensie ryzyki dla tych, chto ŭ Minsku, niama roźnicy, dzie źbiracca. Novy ofis nam patrebny dla sustreč z partniorami i prychilnikami. Apłočvać arendu budzie pryvatnaja asoba, jak było i ź minułym ofisam, ale my budziem radyja biazvypłatnamu varyjantu, kali nam taki prapanujuć».
Usie plotki nakont mahčymaha vyzvaleńnia Viktara Babaryki i niejkich harantyj dla štaba Hleb Hiermančuk nazvaŭ śpiekulacyjaj.
