Čatyry hady kałonii dali za ŭdary pa kapocie i siaredni palec milicyjanieru
Alaksandra Dziarkača vinavacili ŭ aktyŭnym udziele ŭ hrupavych dziejańniach, što hruba parušajuć hramadski paradak (art. 342 KK), pahrozie prymianieńnia hvałtu da supracoŭnika milicyi (art. 364 KK) i naŭmysnym paškodžańni majomaści (art. 218 KK), paviedamlajuć pravaabaroncy.
Spravu razhladaŭ sudździa Juryj Maškietaŭ. Paciarpieły — inśpiektar DAI Andrej Dubovič.
Alaksandr Dziarkač znachodziŭsia 9 žniŭnia na pierakryžavańni vuł. Zasłaŭskaj i pr. Mašerava ŭ Minsku, dzie nibyta pryniaŭ udzieł u niesankcyjanavanym mierapryjemstvie, hučna plaskaŭ u dałoni, vykrykvaŭ łozunhi, potym vyjšaŭ na prajeznuju častku darohi, dzie spyniŭ aŭtamabil DAI, što supravadžaŭ aŭtazak. Nanios pa kapocie słužbovaha aŭtamabila nie mienš za 3-4 udary, nibyta niecenzurna łajaŭsia ŭ bok supracoŭnika Andreja Duboviča i pakazaŭ jamu siaredni palec.
Abvinavačany byŭ zatrymany 21 kastryčnika ŭ siabie doma.
Sudździa Jury Maškietaŭ pryniaŭ prapanovu prakurora i pryznačyŭ zapatrabavanaje pakarańnie — 4 hady pazbaŭleńnia voli.