Ukraina damoviłasia pra pastaŭku 15 miljonaŭ doz amierykanskaj Novavax — vielmi efiektyŭnaj
Ukraina zaviaršyła pieramovy ab pavieličeńni na 5 miljonaŭ doz pastavak amierykanskaj vakcyny ad karanavirusa Novavax. Usiaho budzie atrymana 15 młn doz hetaha preparata pačynajučy ź lipienia, paviedamiŭ u svaim fejsbuku paniadziełak ministr achovy zdaroŭja Maksim Ściapanaŭ.
Učora paviedamlałasia, što zakuplena 500 tysiač doz AstraZeneca.
Ściapanaŭ ciapier znachodzicca ŭ indyjskaj Punie, dzie kantraluje zakupku šviedska-brytanskaj vakcyny AstraZeneca.
Raniej Ukraina kateharyčna admoviłasia ad rasijskich vakcyn. Paviedamlałasia, što Kijeŭ atrymaje bolš za 1,9 młn doz vakcyny kitajskaj kampanii Sinovac Biotech, pieršyja pastaŭki jakoj čakajucca ŭ krasaviku.
Novavax — vielmi jakasnaja vakcyna. Jaje efiektyŭnaść suprać pieršasnaha varyjantu SARS-CoV-2 składaje 95,6%, heta vyšej, čym u inšych isnujučych vakcyn.
