U niekatorych damach u Zialonym Łuzie časova prypyniać padaču vady. A potym jana budzie drennaj jakaści
U suviazi z praviadzieńniem avaryjna-adnaŭlenčych rabot na vodapravodnych sietkach u častcy žyłoha rajona Zialony Łuh u noč z 20 lutaha budzie adsutničać vodazabieśpiačeńnie, paviedamlajuć «Minsk-Naviny».
Padaču vodazabieśpiačeńnia płanujuć prypynić 20 lutaha a 21:00 i adnavić da 6:00 21 lutaha. Paśla adnaŭleńnia vodazabieśpiačeńnia mahčyma paharšeńnie jakaści vady ŭ nastupnyja dvoje sutak.
Na čas adsutnaści vodazabieśpiačeńnia budzie arhanizavany padvoz pitnoj vady aŭtacysternami.
Raźmiaščeńnie aŭtacysternaŭ budzie arhanizavana pa nastupnych adrasach: vuł. Cikockaha, 2, 20, 24, 40, 52; Karbyšava, 1 k. 3, 46 k. 1; vuł. Siadych, 62; vuł. Kalinoŭskaha, 105; p. Baravaja.
Žycharam rekamiendujuć nazapasicca vadoj zahadzia, da momantu jaje adklučeńnia.
Adsutnaść vodazabieśpiačeńnia zakranie 56 žyłych i 18 administracyjnych budynkaŭ, a taksama čatyry centralnyja ciepłavyja punkty, šeść dziciačych sadkoŭ i dźvie škoły.
