Advakatku Kaleśnikavaj Ludmiłu Kazak pazbavili licenzii
Takoje rašeńnie pryniała kvalifikacyjnaja kamisija pa pytańniach advakackaj dziejnaści Miniusta 19 lutaha, paviedamiła pres-słužba Viktara Babaryki.
Tut.by
Na dumku Kamisii, Kazak dyskredytavała zvańnie advakata, što vyjaviłasia ŭ ździajśnieńni administracyjnaha pravaparušeńnia pa art. 23.4.
Anałahičnaje rašeńnie ab pazbaŭleńni licenzii kamisija, akramia Ludmiły Kazak, pryniała i jašče pa Kanstancinie Michieli — partnioru člena prezidyuma Kaardynacyjnaj rady Lilii Ułasavaj. Akramia taho, siońnia na pasiadžeńni kvalifikacyjnaj kamisii taksama razhledziać pytańnie ab pazbaŭleńni licenzii na advakackuju dziejnaść advakataŭ Maksima Konana i Michaiła Kiryluka, piša Tut.by.
Nahadajem, Ludmiłu Kazak nieviadomyja zatrymali 24 vieraśnia minułaha hoda pa darozie ŭ sud, hvałtoŭna pasadzili ŭ aŭtamabil biez apaznavalnych znakaŭ i dastavili ŭ Centralnaje RUUS, dzie było aformlena jaje zatrymańnie i składzieny pratakoł ab administracyjnym pravaparušeńni pa art. 23.4 KaAP, a taksama praviedzieny asabisty vobšuk, u vyniku jakoha byli kanfiskavanyja dakumienty i pradmiety, jakija źmiaščali advakackuju tajamnicu. Noč Kazak praviała ŭ IČU na Akreścina, sud pryznaŭ jaje vinavataj u niepadparadkavańni patrabavańniam supracoŭnikaŭ milicyi pry zatrymańni.
Pradstaŭniki advakackaj supolnaści ličać, što zatrymańnie i pryciahnieńnie da administracyjnaj adkaznaści Ludmiły Kazak źviazana vyklučna z ažyćciaŭleńniem joju prafiesijnaj advakackaj dziejnaści, z pracaj pa rezanansnych spravach, u pryvatnaści pa spravie Maryi Kaleśnikavaj.
