Cieła žančyny, jakoje prapała z morha ŭ Pinsku, tak i nie znajšli. Raspačali kryminalnuju spravu

U paniadziełak, 1 lutaha, u špitali siastry pamierłaj žančyny vydali daviedku (miedyčnaje śviedčańnie) ab śmierci svajački. Jana pajechała ŭ Pinski haradski morh, kab zabrać cieła i pachavać siastru. Cieła ŭ morh pryvieźli ŭ dzień śmierci, u subotu, 30 studzienia, ale ŭžo ŭ paniadziełak jaho tam nie akazałasia.

Akazałasia, što trup źnik.

Pa słovach siastry, jana vyklikała milicyju — ciapier raźbirajecca Śledčy kamitet. Raspačataja kryminalnaja sprava pa č. 1 art. 347 KK (vykradańnie trupa). Sankcyja artykuła praduhledžvaje pakarańnie ŭ vyhladzie štrafu abo aryštu, albo da troch hadoŭ abmiežavańnia abo pazbaŭleńnia voli, paviedamlaje BiełTA.

0

0

0

0

0

0