U Smalavičach šmatdzietnaj maci za abrazu ministra Kubrakova dali paŭtara hoda chatniaj chimii
Sud Smalavickaha rajona 17 lutaha vynies prysud pa kryminalnaj spravie Kaciaryny Sazonavaj. Žančynu vinavacili ŭ abrazie pradstaŭnika ŭłady ŭ suviazi z vykanańniem im słužbovych abaviazkaŭ (art. 369 KK RB), paviedamlaje spring96.org.
Spravu razhladała sudździa Ludmiła Jakaŭleva, dziaržabvinavaŭca — prakuror Łaŭkiet.
Kaciarynu Sazonavu abvinavačvali ŭ tym, što ŭ adnym z telehram-kanałaŭ jana naŭmysna raźmiaściła «nieprystojnyja pa formie i źnievažalnyja pa nakiravanaści tekstavyja paviedamleńni ŭ dačynieńni da ministra ŭnutranych spraŭ Ivana Kubrakova».
Kaciaryna — maci traich dziaciej, dvoje ź jakich niepaŭnaletnija. Zaraz znachodzicca ŭ dekretnym adpačynku, dahladajučy dzicio.
Prakuror Łaŭkiet prasiŭ dva hady abmiežavańnia voli va ŭstanovie adkrytaha typu.
Sudździa vyniesła nastupny prysud: adzin hod i šeść miesiacaŭ abmiežavańnia voli biez nakirvańnia va ŭstanovu adkrytaha typu («chatniaja chimija»).