Adkul pryjdzie nastupny karanavirus? Štučny intelekt dapamahaje znajści adkaz
Kamanda brytanskich navukoŭcaŭ raspracavała kampjutarny ałharytm, kab vyśvietlić, adkul možna čakać źjaŭleńnia novaha karanavirusa. Dziakujučy hetamu ŭdałosia znajści našmat bolš patencyjnych krynic virusa, čym było viadoma raniej, piša Bi-Bi-Si.
Jak tłumačyć udzielnik daśledvańnia doktar Markus Błahroŭv ź Livierpulskaha ŭniviersiteta, adzin z šlachoŭ źjaŭleńnia novaha karanavirusa — heta źlijańnie i pierabudova, jakija adbyvajucca pry sutyknieńni dvuch užo isnujučych karanavirusaŭ. Tamu ideja ałharytmu prostaja — navučyć kampjutar vyjaŭlać virusy i bijałahičnyja vidy, jakija, chutčej za ŭsio, mohuć zrabicca krynicaj takich pracesaŭ.
Hałoŭnym etapam u daśledavańni brytancaŭ było znajści bijałahičnyja vidy, zdolnyja być pieranosčykami adrazu niekalkich virusaŭ. Navukoŭcy vyśvietlili, što siarod sysunoŭ takich vidaŭ značna bolš, čym ličyłasia raniej. Naprykład, palmavaja kunica i zvyčajny listanos zdolnyja być pieranosčykami adpaviedna 32 i 68 karanavirusaŭ. A ŭ arhanizmach vidaŭ kštałtu vožyka, trusa ci adnahorbaha viarbluda virus kavidu zdolny źlivacca ź inšymi isnujučymi karanavirusami i naradžać novy virus.
Navukoŭcy spadziajucca, što ŭ budučyni miedycyna zmoža praduchilać nastupnyja pandemii jašče da ich pačatku. Niemahčyma nazirać adnačasova za ŭsimi bijałahičnymi vidami, ale kali vyznačyć patencyjna niebiaśpiečnyja — mahčyma. Navukoŭcy chočuć vyjści na taki ŭzrovień prahnazavańnia, kab fiksavać novy karanavirus jašče na stadyi jaho źjaŭleńnia ŭ arhaniźmie žyvioły i da taho, jak novaja chvaroba piarojdzie ad žyvioł na čałavieka.
