Režysiora Sidorčyka asudzili da troch hadoŭ chimii
Sud Maskoŭskaha rajona Minska 16 lutaha vynies prysud pa kryminalnaj spravie suprać 31-hadovaha palitźniavolenaha režysiora, akciora i paeta Ihnata Sidorčyka. Padstavaj dla kryminalnaj spravy staŭ stvorany Ihnatam telehram-čat «Prahułka», jaki siłaviki vyjavili ŭ jaho telefonie 10 žniŭnia. U im Ihnat paklikaŭ svaich siabroŭ sustrecca 9 žniŭnia i raspaviadaŭ im, u tym liku, jak karystacca proksi siervieram i prahramami ŭ vypadku błakavańnia internetu. Taksama jaho abvinavačvajuć u błakavańni ruchu ŭviečary paśla vybaraŭ kala kinateatra «Biełaruś» u Minsku. Sudździa Juryj Maškietaŭ pryznaŭ Ihnata vinavatym pa č.1 art. 342 KK i asudziŭ da troch hadoŭ chimii, paviedamlajuć pravaabaroncy.
Dziaržaŭnaje abvinavačvańnie ŭ sudzie padtrymlivaŭ prakuror Dźmitryj Padlipski.
Vinu Ihnat pryznaŭ častkova: tolki paćviardžaje toje, što stvaryŭ čat «Prahułka».
Za kratami Ihnata ŭtrymlivali paŭhoda, a paśla abviaščeńnia prysudu vyzvalili ŭ zale suda.
