Prachodziać pieratrusy ŭ rehijanalnych žurnalistaŭ i pravaabaroncaŭ
Pieratrusy prachodziać u Homieli, Mahilovie i Mazyry.
Łarysa Ščyrakova. Fota Maryny Drabyšeŭskaj
Pieratrusy ranicaj adbyvajucca ŭ homielskich žurnalistaŭ Łarysy Ščyrakovaj i Anatola Hatoŭčyca, paviedamlaje Biełaruskaja asacyjacyja žurnalistaŭ.
Prachodziać taksama pieratrusy ŭ Mahilovie: u žurnalista-fryłansiera Alesia Burakova-małodšaha, a taksama pravaabaroncaŭ, siabraŭ mahiloŭskaha filijała pazbaŭlenaha rehistracyi pravaabarončaha centra «Viasna» Barysa Buchiela, Alaksieja Kołčyna i Barysa Buchiela, paviedamlaje spring96.org.
Ź pieratrusam pryjšli da kaardynatara kampanii «Pravaabaroncy suprać śmiarotnaha pakarańnia ŭ Biełarusi» Andreja Pałudy.
Pieratrus pačaŭsia u kiraŭnika mazyrskaj filii «Viasny» Uładzimira Cielapuna, a taksama ŭ kiraŭnicy śvietłahorskaj filii Aleny Maślukovaj.
Nahadajem, što siońnia siłaviki pryjšli da kiraŭnikoŭ Biełaruskaj asacyjacyi žurnalistaŭ Andreja Bastunca, Aleha Ahiejeva i Barysa Hareckaha.
Da kiraŭnikoŭ BAŽ dadomu pryjšli siłaviki
