U Minsku prydumali novuju schiemu razvodu na hrošy. Čyściać vientylacyju za 165 rubloŭ
Ź minčukoŭ pačali brać hrošy za pasłuhi pa pračystcy vientylacyi. Heta pavinny pravodzić kamunalnyja słužby biaspłatna, i jany heta robiać. Ale apošnim časam u kvatery prychodziać supracoŭniki kamiercyjnaj arhanizacyi, jakija praviarajuć vientylacyju, pravodziać manipulacyi pry dapamozie niejkaha prybora i biaruć za heta davoli niemałyja sumy.
Minsk-Naviny praviali rasśledavańnie.
Adna z apošnich historyj zdaryłasia ŭ Kastryčnickim rajonie ŭ Kurasoŭščynie.
Da piensijanierki, jakaja była adna ŭ kvatery dački, pryjšli dva nieznajomcy. Jany zajavili, što źjaŭlajucca pradstaŭnikami firmy-padradčyka ŽKH, jakaja zajmajecca pravierkaj vientylacyi.
Mužčyny ŭstavili ŭ vientylacyjnuju adtulinu prybor, patrymali jaho tam niekalki chvilin i, pierapisaŭšy pašpartnyja źviestki, prapanavali joj raśpisacca ŭ damovie i akcie vykananych rabot. Pažyłaja žančyna padpisała prapanavanyja papiery. Paźniej akazałasia, što heta byŭ dahavor, pa jakomu jana pavinna zapłacić za čystku vientylacyi 165 rubloŭ. Pryčym, mužčyn nie źbiantežyła, što piensijanierka prapisanaja pa inšym adrasie i nie źjaŭlajecca ŭłaśnikam kvatery, dzie ŭ toj momant znachodziłasia.
Takich faktaŭ u Minsku niamała. Minsk-Naviny papiaredžvajuć: nijakich dadatkovych płaciažoŭ za pravierku i čystku vientylacyi žyllovaja haspadarka nie biare, usio heta ŭvachodzić u hrafu «techabsłuhoŭvańnie» ŭ žyroŭcy.
— Za tym, kab sistema vientylacyi pracavała spraŭna, sočać śpiecyjalizavanyja arhanizacyi na padstavie dahavoraŭ, zaklučanych z zakazčykami — ŽKH rajonaŭ. Raz u hod jany ažyćciaŭlajuć płanavaje abśledavańnie, pry nieabchodnaści vientšachty pračyščajuć. Taksama vyjazdžajuć na skarhi i likvidujuć niepaładki — hetyja pasłuhi śpiecyjalisty vykonvajuć u ramkach dahavornych abaviazacielstvaŭ biaspłatna dla žycharoŭ. Nijakija inšyja arhanizacyi nie majuć prava ŭmiešvacca ŭ pracu ŭnutrydamavych inžyniernych sistem i vientylacyi ŭ pryvatnaści, a tym bolš patrabavać za heta płatu, — raspavioŭ ahienctvu namieśnik hienieralnaha dyrektara MHŽKCH Viačasłaŭ Batura.
