U Biełarusi ad hałalodu i marozu atrymali traŭmy bolš za 9 tysiač čałaviek
Ad 1 studzienia da 13 lutaha zarehistravanyja 9 tys. 237 paciarpiełych z hałalodnymi i chaładovymi traŭmami. Za minułyja sutki zarehistravanyja 290 paciarpiełych, paviedamlaje Minzdaroŭja.
Najbolš paciarpiełych u Hrodzienskaj vobłaści. Tam zarehistravali 1 tysiaču 745 pacyjentaŭ (za sutki +33). Chaładovyja traŭmy dyjahnastavanyja ŭ 87 pacyjentaŭ (za sutki +5), hałalodnyja — u 1 tysiačy 658 paciarpiełych (za sutki +28). U balnicy špitalizavali 300 čałaviek (za sutki +6).
Siońnia na bolšaj častcy terytoryi krainy zachavajecca paŭnočny viecier paryvami da 15-20 m/s. U mnohich rajonach praciahniecca zavirucha, na darohach śniežnyja zanosy, na paŭdniovym uschodzie krainy — mocny śnieh. Minzdaroŭja prosić usich hramadzian, vychodziačy na vulicu, być uvažlivymi, vybirać pravilny abutak dla prahułak. Kali ŭsio ž traŭmy paźbiehnuć nie ŭdałosia — źviarnucca da miedykaŭ.
