U Paŭnočnaj Karei nie znajšli idej pa vyratavańni ekanomiki
Lidar KNDR Kim Čen Yn raskrytykavaŭ pracu ŭrada i zvolniŭ hałoŭnaha ekanamista krainy, pryznačanaha miesiac tamu, z-za taho, što toj nie znajšoŭ idej pa vyratavańni ekanomiki ad ciapierašniaha kryzisu.
Wikimedia Commons
Pra heta sa spasyłkaj na repartaž paŭnočnakarejskaha telebačańnia paviedamlaje Associated Press.
Adnačasova kiraŭnik dziaržavy pryznaŭ, što pryniatyja raniej nacyjanalnyja płany pa raźvićci ekanomiki nie spracavali.
Čarhovy prajekt byŭ abnarodavany ŭ studzieni, ale Kim Čen Yn u čaćvier, 11 lutaha, abvinavaciŭ ministraŭ u nierealna vysokich metach pa vytvorčaści sielskahaspadarčaj pradukcyi i zanižanych metach pa vytvorčaści elektraenierhii.
Jon ckazaŭ, što ŭrad pravaliŭ raspracoŭku płana ŭ klučavych ekanamičnych abłaściach i źvioŭ razam razroźnienyja pakazčyki aby-jak. Pa słovach lidara krainy, ministry nie zdolnyja vypracavać inavacyjny punkt hledžańnia.
