Bresckuju kramu «Kniaź Vitaŭt» aštrafavali na 5800 rubloŭ. Ale ŭładalnik štrafam zadavoleny
Bo mahli dać 80 tysiač rubloŭ.
Pastanovu vynies miascovy ekanamičny sud pa vynikach pravierki padatkovaj inśpiekcyi. Pra heta paviedamiŭ «Radyjo Racyja» jaje ŭładalnik Aleh Čaparaŭ.
«My zadavoleny vynikami suda», — kaža Aleh Čaparaŭ:
— Sud pryniaŭ našy dokazy, što suma parušeńniaŭ składaje nie amal 80 tysiač rubloŭ, a ŭ razy mienš. Sumu parušeńniaŭ nam źmienšyli, jana skłała 23 ź nievialikim tysiač rubloŭ, užo ad hetaj sumy nam byŭ vyniesieny štraf, jaki skłaŭ 5800 rubloŭ.
Niahledziačy na stanoŭčy dla kramy varyjant raźvićcia padziej u sudzie, u biznesoŭcaŭ nazapasilisia i štrafnyja sankcyi pa vynikach inšych pravierak, i tamu jany prosiać pra dapamohu:
— Nieviadoma, jak zaraz heta spłacić, zdolejem my ci nie. Budziem spadziavacca, što ŭsie pojduć nam na sustreču, pastaŭščyki zmohuć dać adterminoŭku pa apłatach svaich tavaraŭ. Taksama prosim dapamohi i ŭ ludziej, kaniešnie ž.
U asartymiencie «Kniazia Vitaŭta» była nacyjanalnaja simvolika. Nieŭzabavie pierad vybarami krama pačała nieści finansavyja straty ŭ vyniku pravierak dziaržaŭnymi orhanami, tamu sa stacyjanarnaj kropki joj pryjšłosia syści ŭ internet.