Kiraŭnik KDB: Pik pratesnaj aktyŭnaści ŭ Biełarusi projdzieny, kraina viarnułasia da narmalnaha žyćcia
Pik pratesnaj aktyŭnaści ŭ Biełarusi projdzieny, kraina viarnułasia da narmalnaha žyćcia, zajaviŭ siońnia staršynia KDB Ivan Cierciel na Usiebiełaruskim narodnym schodzie.
«Biełaruś — adna ź niamnohich krain, jakaja vystajała va ŭmovach realizacyi samaha žorstkaha scenara. Jak by ni chaciełasia zakulisnym hulcam, pik pratesnaj aktyŭnaści projdzieny, kraina viarnułasia da narmalnaha žyćcia i ćviorda staić na šlachu dalejšaha raźvićcia», — skazaŭ Ivan Cierciel.
U toj ža čas, pavodle jaho słoŭ, «uroki minułaha, a taksama danyja, jakija pastupajuć u KDB z roznych krynic, u tym liku ad zamiežnych partnioraŭ, śviedčać ab tym, što čas rassłablacca nie pryjšoŭ».
«Pry padtrymcy zacikaŭlenych palityčnych kołaŭ na terytoryi zamiežnych dziaržaŭ sfarmavanyja struktury, u jakich pry finansavaj padtrymcy tak zvanych fondaŭ, śpiecsłužbaŭ, jakija stajać za imi, kancentrujucca roznaha rodu ŭciekačy, avanturysty, prajdziśviety i prosta zdradniki», — zajaviŭ kiraŭnik KDB.
«My majem dakładnuju infarmacyju ab namierach pa ździajśnieńni aktaŭ terarystyčnaj nakiravanaści na terytoryi našaj krainy», — skazaŭ Ivan Cierciel.
