Doktar ź Pinska admoviŭsia jechać na «Usiebiełaruski schod»: Majoj dumki nichto i nie pytaŭsia
Pinski doktar, jaki raspavioŭ, što staŭ delehatam UNS pa inicyjatyvie miascovaha Savieta deputataŭ, u Minsk tak i nie pajechaŭ, paviedamlaje «Miedyja-Paleśsie».
Fota z sacyjalnych sietak
Delehaty ad Pinščyny adpravilisia ŭčora ŭ Minsk na «Usienarodny biełaruski schod». Siarod pasažyraŭ nie akazałasia Mikałaja Cielacickaha. Miesiac tamu ŭ fejsbuku doktar Pinskaj dziciačaj balnicy prakamientavaŭ publikacyju, što ŭ ŚMI adsutničali śpisy delehataŭ na UNS ad horada, choć ich vybrali jašče da Novaha hoda. Karespandenty daviedvalisia proźviščy praz svaje krynicy.
— Adno skažu, što dla ŭdziełu asabista mianie abraŭ Saviet deputataŭ, majho mierkavańnia nichto nie pytaŭsia. U ciapierašni čas ja zvyčajny doktar — dziciačy chirurh, jakim źjaŭlajusia bolš za 20 hadoŭ, tysiačy apieracyj, — pisaŭ Mikałaj Cielacicki ŭ sacyjalnych sietkach.
U razmovie z karespandentam doktar adznačyŭ, što admovicca ad udziełu va UNS było jaho asabistym rašeńniem z-za siamiejnych abstavinaŭ.
