Pasolstva ZŠA vystupiła z zajavaj ab niedapuščalnych pavodzinach «adnaho ź dziaržaŭnych ŚMI»
Pra jakoje ŚMI idzie havorka — u zajavie nie paviedamlajecca, jak i pra abstaviny zdareńnia z amierykanskim dypłamatam.
«U Biełarusi i va ŭsim śviecie amierykanskija dypłamaty, jak i dypłamaty ź inšych krain, rehularna naviedvajuć miascovyja sudovyja pasiadžeńni, nazirajuć za pratestami i demanstracyjami, a taksama sustrakajucca ź siabrami apazicyjnych palityčnych partyj i pravaabaroncami, — adznačajecca ŭ zajavie. — Dypłamaty Złučanych Štataŭ robiać heta, asabliva ŭ vypadkach, kali havorka idzie pra svabodu ŚMI, inšych asnoŭnych svabodach i viaršenstvie zakona, jakija majuć i mieli zdaŭna vialikaje značeńnie.
Pavodziny adnaho ź dziaržaŭnych ŚMI Biełarusi ŭ dačynieńni da amierykanskaha dypłamata paśla jaho nazirańnia za sudovym pracesam pa kryminalnaj spravie ŭ Minsku suprać žurnalistaŭ «Biełsata» Kaciaryny Andrejevaj (Bachvałavaj) i Darji Čulcovaj 9 lutaha źjaŭlajucca niedapuščalnymi. Ambasada ZŠA ŭ Minsku hatova adkazać na zapyty presy pa miery ich uźniknieńnia.
Žurnalistaŭ «Biełsata» abvinavacili ŭ «arhanizacyi mierapryjemstvaŭ, jakija hruba parušajuć hramadski paradak». ZŠA, krainy-partniory i pravaabarončyja arhanizacyi va ŭsim śviecie nazvali hetyja abvinavačańni aburalnymi», — adznačajuć u pasolstvie ZŠA.
