ŚMI: Rasijskaha pasła Mieziencava pieraviaduć na inšuju pracu
U Sajuznaj dziaržavy Rasii i Biełarusi nieŭzabavie źmienicca dziaržsakratar. Ryhor Rapota maje namier syści ŭ adstaŭku. Mahčyma pryznačeńnie na hetuju pasadu Dźmitryja Mieziencava, kažuć krynicy RBK.
Maskva i Minsk abmiarkoŭvajuć źmienu dziaržaŭnaha sakratara Sajuznaj dziaržavy, paviedamili čatyry krynicy RBK. Sa śniežnia 2011 hoda hety post zajmaje Ryhor Rapota.
Krynica, blizkaja da rasijskaha ŭrada, skazała, što Rapota, jakomu na tym tydni spoŭniłasia 77 hadoŭ, sydzie ŭ adstaŭku ŭ najbližejšy čas. Pra toje, što jon źbirajecca pakinuć pasadu, viedajuć i dvoje znajomych Rapoty.
Na jaho miesca razhladajecca ciapierašni pasoł Rasii ŭ Biełarusi Dźmitryj Mieziencaŭ, raspaviała krynica, znajomaja z chadoj abmierkavańnia ź biełaruskaha boku. Ab tym, što mienavita ciapierašni pasoł Rasii źjaŭlajecca asnoŭnym kandydatam u dziaržsakratary, kaža i krynica, blizkaja da rasijskaha ŭrada.
U pasolstvie Rasii ŭ Biełarusi, biełaruskim i rasijskim MZS, pastajannym kamitecie Sajuznaj dziaržavy ad kamientaroŭ admovilisia.
U kancy studzienia stała viadoma, što kadravyja pytańni (biez udakładnieńnia, jakija mienavita) abmiarkoŭvalisia padčas telefonnaj razmovy Pucina i Łukašenki.
