Turaŭski małočny kambinat pašyryŭ vytvorčaść i pavialičyŭ prybytak
Pradpryjemstva padviało vyniki pracy ŭ 2020 hodzie: vyručka ŭpieršyniu pieraadoleła miažu ŭ 100 młn dalaraŭ.
Jak paviedamili «Ježiednievniku» na kambinacie, u 2019 hodzie pradpryjemstva mieła 9 młn rubloŭ strat, ale pa vynikach 2020 hoda atrymaŭsia prybytak u 5 młn rubloŭ. U 2021 hodzie pradpryjemstva spadziajecca jaho pavialičyć.
Biełaruski vytvorca ŭ 2020 hodzie vypuściŭ na 30% bolš syroŭ — usiaho 28,6 tys. ton. U paraŭnańni z 2018 hodam abjomy naohuł vyraśli ŭdvaja. Bolš čym na treć za hod vyrasła vyručka ad realizacyi pradukcyi — z 200 młn da 271,7 młn rub. U dalaravym vyražeńni dachody prabili simvaličny 100-miljonnuju miažu — amal 111 młn dalaraŭ.
Rentabielnaść prodažaŭ pavialičyłasia da 17%, efiektyŭnaść vytvorčaści taksama ŭzrasła: z adnoj tony syraviny ŭ 2020 hodzie atrymana 1280 rubloŭ (hodam raniej — 1160), a vychad pradukcyi skłaŭ 14,1% (raniej byŭ 13,8%).
U 2020 hodzie na kambinacie pavialičyli mahutnaści pa vytvorčaści śmietankovych syroŭ. Ustanoŭleny linii pa pierapracoŭcy i zhuščeńni syrovatki.
U płanach na hety hod — madernizacyja linii vyciažnych syroŭ Pastaŭki ŭ inšyja krainy prynieśli kampanii amal 87 młn dalaraŭ — na 20% bolš, čym u 2019 hodzie. Najbolšyja abjomy ekspartu prypadajuć na Rasiju i Kazachstan, siarod pierśpiektyŭnych kirunkaŭ — Turcyja, AAE i Izrail.
Turaŭski małočny kambinat zasnavany 2010 hodzie, a vytvorčaść syroŭ zapuščana praz try hady. Ahulny abjom inviestycyj skłaŭ 115 młn jeŭra z terminam akupnaści ŭ 10 hadoŭ (da 2023 hodzie). Ŭłasnaja syravinnaja baza ŭklučaje 9 haspadarak u Homielskaj, Minskaj i Viciebskaj abłaściach. Pradpryjemstva ŭvachodzić u lik najbujniejšych małočnych vytvorcaŭ i eksparcioraŭ Biełarusi.
