Prablemny zavod u Kaściukovičach taksama pasłaŭ delehata na UNS
Rabotniki «Biełaruskaha cemientnaha zavoda» ŭ Kaściukovičach vybrali svajho delehata, jaki budzie pradstaŭlać ich intaresy na Usiebiełaruskim narodnym schodzie. Z hetaj nahody jany navat zapisali videazvarot. Na UNS pajedzie hiendyrektar zavoda Alaksandr Sapsaloŭ.
— Toje, što mienavita jon pradstaŭlaje naša pradpryjemstva, uzmacniaje ŭpeŭnienaść u tym, što my budziem pracavać, raźvivacca, i ŭpeŭnienaść u zaŭtrašnim dni našaj suvierennaj Biełarusi, — kažuć rabotniki zavoda.
Pry hetym zamoŭčvajecca pra toje, što, naprykład, u 2019 hodzie TAA «Biełaruski cemientny zavod» spracavaŭ «u minus» — straty pradpryjemstva skłali 8,9 miljona rubloŭ, paviedamlaje mogilev.online.
U madernizacyju troch stratnych cemientnych zavodaŭ, u tym liku Kaściukovickaha, było pryniata rašeńnie ŭkłaści kala miljarda dalaraŭ. Madernizacyja ŭsich troch pradpryjemstvaŭ z treskam pravaliłasia: jany praciahvajuć pracavać ź vialikimi stratami.
Pry hetym na kaniec 2020 hoda ŭ Mahiloŭskaj vobłaści ŭdzielnaja vaha stratnych pradpryjemstvaŭ pavialičyłasia z 16,1% da 20,5%, suma straty — u 7 razoŭ da 400,4 młn rubloŭ.
